Robert Burns

Comin' through the rye, poor body,
Comin' through the rye,
She draiglet a' her petticoatie,
Comin' through the rye.

Oh Jenny's a' wat poor body,
Jenny's seldom dry;
She draiglet a' her petticoatie,
Comin' through the rye.

Gin a body meet a body,
Comin' through the rye,
Gin a body kiss a body,
Need a body cry?

Gin a body meet a body
Comin' through the glen,
Gin a body kiss a body,
Need the warld ken?